(Ei thu
hung phawrlanghaia inthawk hin press release le article ding chi chi naw ah
ngaituona’n sungril a fang el thei! Amiruokchu, ka mimal hming hmanga fawmkhawmin
ka hung phawrsuok ta lem hlau a nih)
India hmarsak state laia lien tak,
Assam state sunga Hmar nauhaichu Guwahati khawpui sunga vengbuk pakhata mihriem
zat khawm tlingzo lo hiel ding ni inlakhawm, India sawrkar thlungpui le Assam
state sawrkar leh Hmar hnam palai / HPC (D) hai pathum chun India khawpui tak
New Delhi-a Hotel changkang pawltak, Ashoka Hotel meua Hmar hnam poltitics chungchang
hriltlangna dam an hei nei el na le, Mizoram state sawrkar le Hmar hnam palai /
HPC (D) indawr mek nahai chu trum danga indawrna le khaikhin chi a ni naw nahai
hi, tulai Hmar hnam politics boruok chik taka ngaituo tu ta ding chun, an sangin
a ropui ruol ruolin, HPC (D) politics hi a sung kawrong zie hriet thei a nina lai
pakhat chu, HPC (D)-in spokesperson (tawngtu ding)-a civil-mi ve ve (Delhi le Aizawla) a hmangna
hi a nih.
Hi a chunga ei hung tar langhaia inthawka
hriet suok lo thei lo thil pahni chu, Sinlung Hills Dev Council (SHDC) Mizoram
state sunga mi le Barak Valley Hill Tribes Dev Council (BVHTDC) Assam state
sunga mi hai pahni hi, a thuoitu hai thiem lei le var leia pieng ni lem lovin, Hmar
hnam ngirhmunin a zir lei le a phursuok zo leia pieng lem a nina hi a nih.
Tulai India hmarsak politics boruok dan pangngai angin, Hmar hnam revolutionary
party pahni chun Suspension of Operasion (SoO) thuthlung (agreement) an nei mek
a. Chu taka inthawka thumal phawksuok thei le inchik thlak chu, “India hmarsak rama
Hel-pawl popo laia rethei tak chu HNA hi ni hieldingaringkainisienlakhawm,
hmathlir le political ideology kawnga chun an sang tak el naw ding am a ni aw…”
ti le, “India hmarsak biela Hel-pawl lai
popoa politics sung kawrong tak chu, HPC (D) hi a nih, amiruokchu, a phawleng
ah chu ruol pawl phak anga ngai thei a nih” ti thumalhai hi,ngaituona kil khata
inthawk chun phawksuok thei a ni ve a nih.
Assam state sunga HPC (D) SoOhnuoiaa
um na san tak nia inlang chu, HPC (D) hi politics sung kawrong a nina lei nia hriet
a nih. Chuong ang bawkin, Mizoram Hmar Welfare Committee (MHWC) piengna san
khawm hi HPC (D) politics sung kawrongna lei a nih. Sienkhawm, HNA chu Hmar
hnam revolutionary zungpui ani ang hrimin, Hmar Bung-thing zarin a hawl phak taphawt
chu, Reng Luopui thurosie sukpuitlingna ding kawngah hmangruo tangkai takin an chang tir pei ding a
nih. Chu umzie chu, HPC (D) hi politics themtlaw tak nisienkhawm, Hmar hnam ngirhmunin
a zir ngang leiin hieng ang boruok hi a chuongkai ani a. HPC (D) sungril hretu
Mizoram state sawrkar ruok chun NGO hai hmangin, “Inbiek nawk huna chun HPC (D)
indik tak chau thrang ta ding” tiin nawrna an siemtir hiel a. Chuleiin, Hmar
hnam hi sungril inthuk taka hmangaitu chun, “HPC (D) sungril kawrong hi Assam
state sawrkar le central sawrkar khawm hin hung hre suok pal hlau an tih” ti inlauna
chu nei naw thei an naw a nih. Sienkhawm, HNA chu Hmar hnam revolutionary
bulpui le zungpui ani tlat leiin, HPC (D) chu civil-mi chauin thangpui lovin, HNA tak ngielkhawma zaidaw
theina po poa dawa, mi tu a ma ni dam, thuthar thedartuhai dam le kawng dang
danga fethlengin thurawn le a dang danghaia a thangpui hnung khawma a la ngir suokpui
thei naw awn ani chun, lungkham el lova, Hmar/Sinlung politics aitecheu ang chau
ani zie lo hre lem dingin mitin ka ngen a nih.
Chuleiin, hnam revolutionary party-a
insal ve si chun, 6th August 2013 nia mimala khawm, ngaituona mawl tak
neituhai thaw awmtawk lek, India sipaihai hlema HNA mi inmantir an nina ang kha
chu, HPC (D) hin thaw nawk ta ngai naw sien thang a tih. Revolutionary movement um zie indik tak chu,
retheina sala intangnaa inthawka duot tak le hmangai taka ram le hnam thuoisuokna
sin thaw chu a nih. Sienkhawm, tuta HPC (D) in mipui mimir (civil)ieng hre lo
hai tuor pawisa lova a hma tawktawk a maihrut el hlak hi chu, revolutionary
party lampui inhmang let der hai thaw dan a nih. HPC (D)-in Sartuinek khawtlang
thuoituhai chu an thu-le-hla lova hmangruoaa
hmangna khan a khaw mipui nunphung a tawksiet phak a. Chuleiin, Sartuinek khawtlang
mipuihai kuomah, HNA hmingin ngaidam kan hni nghal bawk a nih.
“Thli chu khaw lai khawm a nuom nuomin
a hrang hlak, a ri I hriet deh, nisienlakhawm, khawtaka inthawka hung am,
khawlai am a fe ding ti I hriet si nawh; tukhawmThlaraua pieng chu chuong ang chu
an nih,” ti thuziek ang khan, HNA chun, vawisunnia Hmar hnam revolutionary
party thuoitu taphawthai kuoma hin, Hmar
hnamin revolutionary movement a thaw mek chu a ri in hriet de, sienkhawm, khaw tienga
inthawka hungin khawtiem a fe ding a na, ti ruok chu inhriet nawh,” tiin a hril
ngamin a khekpui thei a nih. Chu umzie chu, Hmar hnam revolutionary movement hi
ieng leia hung suok am a na, ti le,ieng lampui am hraw tuma hung suok ma na, ti
chu Hmar hnam revolutionary party thuoitu taphawt hin an hriet der nawh, tina a nih.
Nisienlakhawm, an mitin an hmu hun le an nakawrin an hriet hun chu a lan hersuok
ngei ding a nih,tichu HNA beiseina a nih.
Chuleiin, HNA hi Olive hnaa inthawka lak
suok ani ang hrimin, Mahatma Gandhi-in khawvel politician ropui taka a ngai,
Nazareth Tlangval (Isu Krista) hnungzuitu (Christian) indik tak, mani intheinghil
thaka hnena Kros put pum zinga ram le
hnam chu duot tak le hmangai taka sansuok tum tal taltu ani a, a lampui hraw mek na hi
tu sukbuoi thei ding chi an naw a nih. Hieng thuhai suk chiengtu laia pakhat chu,
HPC (D) chu HNA mi le sa le a lo lainatuhai mihriem hringna
20 lai hiel ding latu le, an delna ram sunga civil mi HNA le inkungkaina neimethai
ta ding khawma harsatna siem hlaktu a ni zing sa khawma, HPC (D) suongvawr em em,
tuta tuma Delhi inbieknaah ngei khawm spokesperson
ni ve ngat, Pu David Buhril le HPC (D) JMG member Pu Lalthansang Pulamte (Sanga
Hmar) hai pahni chu HNA delna huomsunga zalen
taka an khawsak theina hi a nih.
HPC (D) sungthu buoinaa hin HNA chun remna
siem alo tum deha chu, siem chi nia a hriet naw leiin a kut a lo sawpna chu hun
iemani chen a liem ta anih. A kutsawpzie sukchiengtu chu, 6th August
2013 nia HNA mi pathum man an nia, chu hnung, 8th August 2013
zingkara HPC (D) President pawla C-in-C chuTuibuong area huomsunga man ani nawk
elna kha a nih. Asanchu, HNA hin HPC (D) sungthu buoinaa hin kut lo rawlta ang sien
chu, khang thil kha pumpel ani theina dingin thu ieng a ma ni bek chu a pek sawng
ding a nih. Chuleiin, tuta inthawk chu HPC (D) sungthu buoina leia HNA hmetbel tawk tawk tuma, India sipaihai thukhela thuoikawi tumtu chu, hnam sukhmelhemtu
ani tlat leiin a chungah a nat thei ang taka thungrul ani ding a nih