CCPUR: Sep 12 : ni khan Tipaimukh Peoples’ Progressive Alliance (TPPA) chun Rev. Timothy L. Changsan @ Pu Lalhmunmawi chengnain, Rengkai, CCPur-ah Workers Conference an nei a, hi huna hin biel tina inthawk report pekna le ngaithlakna nei a nih.
Conference a hin RTI chungchanga Workers han RTI Act tiengpang awareness an nei theina dingin Seminar nei a ni a. Chu huna chun Pu George, Advocate in RTI Act le inzawma hriet ding le hmang dan ding hai hnesaw takin hrilna a nei a. “Politician tam tak han RTI hi an biel mi hai hriet ding an ti vei leh! Iengleia MLA prospect Dr L. Fimate in mipui hai hriet dinga a dit am ana? Hi subject a thlang el nasan hi fakrukna thila a mipui hai a cho hle a nih ti hriet theiin a um tiin a hril.
Dr Rosiem Pudaite chun, “Inthlak danglam ei tul zie le Indian Democracy a Intamchil hi hmangruo thatak a nih” tia hrilin hmasawnna dinga thil tangkai tamtak a hril bawk.
Hi hun hmangna huna Dr L. Fimate in workers hai hmaa thuhrilna a neinaa chun, Tipaimukh biel dangdai rieua suk hmasawn le biel intodel a hlangkai a ni dan dinga a kalbi indik tak hrilna a nei a, Pu Lalhmunmawi hai sungkuo in TPPA conference hnesaw taka an lo mikhuolna thua Dr Fimate chun lawmthu a hril
bawk.
Programme hmangzo a ni hnungin zantieng Pu Lalhmunmawi le a nuhmei Pi Merian hai chun TPPA Workers conference a thang hai chu ruoi inhnik takin an kilpui zoin members hai chun hma nasa nawk zuola la dingin an inthedar.
Source: HT, 14 Sept 2011